Azərbaycan Basketbol Liqasında ilk finalçı məlum oldu
"Sabah" Azərbaycan Basketbol Liqasında ilk finalçıdır!
10 may "Sərhədçi" İdman Mərkəzində Azərbaycan Basketbol Liqasının (ABL) növbəti yarımfinal oyunu baş tutub.
Pley-off 'un yarımfinal mərhələsində, "Xırdalan" və "Sabah" komandaları seriyanın 2-ci oyununa çıxıblar. Oyunun əvvələrindən bərabər şəkildə davam edən mübarizə, yekunda "Sabah" klubunun 81-62 hesablı qələbəsi ilə bitib. Bu qələbə ilə "Sabah" seriyada 2-0 hesablı qalibiyyət əldə edib və ilk finalçı olub.
Ən məhsuldar basketbolçular: "Xırdalan" (Cessi Qi - 15 xal, 5 ribaund), "Sabah" (Maykl Holton - 22 xal, 4 ribaund)
