ESTAFET/ Azərbaycan Yelkənli İdman Federasiyası 2014-cü ildən fəaliyyətə başlamasına baxmayaraq qısa müddət ərzində böyük naliyyətlər qazanıb. Böyük uğurlar əldə edən Federasiya Yelkənin Optimist sinfi üzrə 15-22 iyul tarixlərində İtaliyanın Crotone şəhərinin ev sahibliyi edəcəyi Avropa Çempionatında iştirak etmə hüququ qazanmışdır. Ölkəmizi layiqincə təmsil edəcəyinə inandığımız 4 oğlan və 1 qızdan - Fərid Məmmədzadə, Murad İsmayılov, Murad Allahverdi, İsmayıl Kərimov və Selcan Abbasdan ibarət komandanı seçməyimizə səbəb balaca liderlərimizin kiçik yaşlarına baxmayaraq, uğurla gələcəyə doğru addımlamalarıdır.

Məhs gələcək çempionlarımızı tanıtmaq məqsədi ilə, Azərbaycan Yelkənli İdman Federasiyası və Züleyxa jurnalının birgə layihəsi olan “Kiçik Liderlər” adl yelkənli foto-layihəsini sizə təqdim edirik (Daha çox şəkil üçün bax: Qalereya - Şəkillər - Xəzərin gənc qəhrəmanları).

Qeyd edək ki, ölkəmiz ilk dəfə yelkən üzrə Avropa çempionatında iştirak edəcək. Çempionat iyul ayının 15-dən 22-nə qədər İtaliyanın Crotone şəhərində keçiriləcəkdir. Avropadan 33, dünyanın digər qitələrindən 14 - ümumilikdə isə 47 ölkə olmaqla çempionatda 300-ə yaxın idmançı yarışacaq.

www.sailing.az

www.fb.com/sailingaze