Azərbaycan idmançısı beynəlxalq turnirdə gümüş medal qazandı
Azərbaycan idmançısı Suya tullanma idman növü üzrə beynəlxalq turnirdə gümüş medal qazandı.
Suya tullanma idman növü üzrə Azərbaycan idmançısı Bolqarıstanın Varna şəhərində keçirilən "Üçüncü Balkan Gənclər Çempionatı" beynəlxalq turnirində yüksək nəticə göstərib. Azərbaycan Üzgüçülük Federasiyasının mətbuat xidmətinin verdiyi məlumata görə 10 ölkədən 110 idmançının qatıldığı yarışda Məhəmməd Hüseynov E qrupunda ikinci yerə layiq görülərək gümüş medal qazanıb. Qeyd edək ki, idmançılarımız bu yarışlarda məşqçılər Anton Melnikov və Anqelina Melnikovanın rəhbərliyi altında çıxış edirlər.
