Noyabrın 10-da Albaniyanın paytaxtı Tirana şəhərində keçirilən kiçik yeniyetmələr arasında Avropa birinciliyində taekvondoçumuz Esmanur Azayeva 36 kq çəki dərəcəsində bütün rəqiblərini üstələyərək (Ukrayna, Yunanıstan, Serbiya, Fransa, Bolqarıstan) qızıl medal qazanıb. Millinin digər üzvü Şahin Abdullayev isə 48 kq

çəki dərəcəsində üç rəqibini (Yunanıstan Ukrayna, İtaliya) geridə qoyaraq finala yüksələrək gümüş medalla təltif olunmuşdur.

Qeyd edək ki, Kiçik Yeniyetmələrdən ibarət Milli Komandanın baş məşqçisi İlkin Şahbazov, köməkçi məşqçi Ziya Qasımovdur.

Taekvondoçularımızı paytaxtda federasiya rəsmiləri və idmançıların yaxınları qarşılayıblar.

İdmançılarımızı təbrik edir, daha da yüksək nailiyyətlər arzulayırıq!

İmza: Esmira Turan