9 fevral 2025-ci ildə Şahdağ Turizm Mərkəzində keçiriləcək Red Bull Qaçaqaç – qışın ən ekstremal və əyləncəli yarışlarından biri olacaq. Snoubord və xizək sürənlər sürət, çeviklik və yaradıcılıqlarını nümayiş etdirərək müxtəlif nominasiyalarda qalib olmaq üçün mübarizə aparacaqlar.

18 yaşdan yuxarı hər kəsin iştirak edə biləcəyi yarışda əsas qayda sadədir.

İştirakçılar 2351 metr hündürlükdə yerləşən start nöqtəsindən xizək və snoubordlarına tərəf 100 metr qaçmalı, onları tez bir zamanda geyinib ən sürətli şəkildə finiş xəttinə çatmalıdırlar. Fiziki dözümlülük, çeviklik və taktiki düşüncə burada əsas rol oynayacaq.

Red Bull Qaçaqaç 2025 tədbiri Dongfeng brendinin dəstəyi ilə keçirilir.

Yarış çərçivəsində beş fərqli kateqoriya üzrə qaliblər seçiləcək:

- Ən sürətli snoubordçu (qadın)

- Ən sürətli snoubordçu (kişi)

- Ən sürətli xizəkçi (qadın)

- Ən sürətli xizəkçi (kişi)

- Ən kreativ geyim nominasiyası

Hər kateqoriyanın qalibləri 500 AZN, Red Bull xizək eynəyi (Ski Goggles) və Şahdağ Turizm Mərkəzi tərəfindən xüsusi hədiyyələr təqdim ediləcək.

Üstəlik, xizək və snoubord kateqoriyalarında birinci olan qadın və kişi iştirakçıları, SportSystem mağazası tərəfindən Şahdağ Turizm Mərkəzi yerləşən 5 fərqli əyləncəyə kupon qazanacaq. Ən kreativ geyim nominasiyasının qalibi isə paraplanla uçuş fürsəti əldə edəcək.

Red Bull Qaçaqaç yalnız yarışla məhdudlaşmır. Həyəcan dolu yarış başa çatdıqdan sonra, iştirakçılar ənənəvi Après-Ski partisində bir araya gələrək, unikal atmosfer və əyləncədən zövq alacaqlar.

Qeydiyyat Artıq Açıqdır!

Yarışda 18 yaşdan yuxarı həm peşəkarlar, həm də həvəskarlar iştirak edə bilərlər.

Qeydiyyat üçün link: REDBULL.AZ/QACHAQACH