Ölkəmizdə ilk dəfə olaraq baş tutacaq 3x3 basketbol üzrə Dünya Kubokunun seçmə mərhələ oyunlarında iştirak edəcək komandaların adları müəyyənləşib

24 və 25 may tarixlərində ilk dəfə olaraq 3x3 basketbol üzrə Dünya Kubokunun (2025) seçmə mərhələ oyunları ölkəmizdə keçiriləcək. Paytaxtımız Bakıda baş tutacaq seçmə mərhələ oyunlarında həm kişi, həm də qadın 3x3 millilərimizin iştirakı ilə yanaşı, Monteneqro, Kanada, Böyük Britaniya, Ruanda, İran kişi yığmaları və Çili, Latviya, Çin Taypeyi, Brazilya, Misir qadın seçmələri də əsas mərhələyə vəsiqə qazanmaq uğrunda mübarizə aparacaqlar. Qeyd edək ki, kişi və qadın kateqoriyalarında seçmə mərhələ oyunlarının ən yaxşı 3 milli komandası Dünya Kubokunun əsas mərhələsində iştirak etmək hüququ qazanacaq.