Soydaşımız Las Veqasda keçirilən UFC turnirində növbəti uğurunu qazanıb
ESTAFET/ ABŞ-nin Nevada ştatının Las Veqas şəhərində "UFC Fight Night" 251 turniri keçirilib.
Turnirdə qarışıq döyüş növləri üzrə Azərbaycanı təmsil edən Nazim Sadıxov UFC promouşenində növbəti qələbəsini qazanıb. Yüngül çəkidə çıxış edən azərbaycanlı döyüşçü Braziliyadan olan İsmael Bonfim ilə qarşılaşıb.
İlk raundun sonunda həkimlər "Qara canavar" ləqəbli Nazim Sadıxovun rəqibinin aldığı zərbələrdən sonra döyüşü davam etdirə bilməcəyinə qərar veriblər və soydaşımız TKO (texniki nokaut) ilə qalib gəlib.
UFC-də 10-cu qələbəsini qazanan Nazim Sadıxovun döyüşdən sonrakı müsahibəsini aşağıdakı linkdə izləyə bilərsiniz:
