Bu gün 3x3 basketbol üzrə Dünya Kubokunun Bakıda keçirilən seçmə mərhələsinə start verilib.

innews.media xəbər verir ki, yarışda ilk olaraq qadınlardan ibarət Azərbaycan milli komandası meydana çıxıb. B qrupunda mübarizə aparan komandamız Misir yığması ilə qarşılaşıb və rəqibini 14:12 hesabı ilə məğlub edib.

Millimizin baş məşqçisi Raşa Deliçin rəhbərliyi ilə çıxış edən komanda növbəti qarşılaşmada Latviya ilə üz-üzə gəlib. Təəssüf ki, bu oyunda komandamız 11:18 hesabı ilə uduzub.

Bu nəticədən sonra Azərbaycan millisi qrupdan çıxmaq şansını itirib.

Qeyd edək ki, gün ərzində kişilərdən ibarət yığmamız da seçmə mərhələdə mübarizəyə başlayacaq.