ESTAFET/ Xəbər verdiyimiz kimi, İspaniyanın "Barselona" klubu İngiltərə "Liverpul"undan Braziliya yığmasının yarımmüdafiəçisi Filippe Koutinyonun transferini rəsmən elan edib. 

Verilən məlumatlara görə, bu transfer 160 milyon avroya başa gəlib. Bununla da, Koutinyo futbol tarixində həmyerlisi Neymardan sonra ikinci ən bahalı futbolçu olub. 

Futbol tarixinin ən bahalı 10 transferi isə aşağıdakı kimidir:

1. Neymar - "Barselona"dan PSJ-yə, 222 milyon avroya

2. Filippe Koutinyo - "Liverpul"dan "Barselona"ya, 160 milyon avroya

3-4. Usman Dembele - "Borussiya" D-dan "Barselona"ya 105 milyon avroya

3-4. Pol Poqba - "Yuventus"dan "Mançester Yunayted"-ə, 105 milyon avroya

5. Qaret Beyl - "Tottenhem"dən "Real"a, 100,8 milyon avroya

6. Kriştianu Ronaldu - "Mançester Yunayted"dən "Real"a, 94 milyon avroya

7. Qonsalo İquain - "Napoli"dən "Yuventus"a, 90 milyon avroya

8. Neymar - "Santos"dan "Barselona"ya, 86,2 milyon avroya

9. Romelu Lukaku - "Everton"dan "Mançester Yunaytedə", 84,8 milyon avroya

10. Vircil van Deyk - "Sauthempton"dan "Liverpul"a, 84,5 milyon avroya

Qeyd edək ki, PSJ "Monako"dan Kilian Mbappeni 180 milyon avroya alış öhdəliyi ilə icarəyə götürüb. Lakin, alqı-satqı hələ rəsmiləşmədiyindən və futbolçunun hüquqları monakolularda olduğundan Mbappenin adı siyahıda yer almır.