ESTAFET/ Rioda boks yarışları davam edir. Xəbər verdiyimiz kimi 11 boksçu ilə turnirə qatılan yığmamız artıq 8 boksçunu itirib və bu 8 nəfərdən heç biri medal qazana bilməyib.

Bugün 64 kq çəki dərəcəsində komandamızın növbəti milliləşdirilmiş legioneri Lorenzo Sotomayor 1/4 final döyüşünə çıxıb. Onun rəqibi həmyerlisi, Kuba boksçusu Yasnier Toledo idi. Döyüşü yüksək səviyyədə keçirən Sotomayor hər 3 raundu qalib başa vuraraq yarımfinala adlayıb və beləliklə özü üçün ən azı bürünc medalı təmin edib.  

Yarımfinalda Sotomayorun rəqibi Almaniyanı təmsil edən erməni Artem Harutyunyan olacaq. Döyüş avqustun 19-da baş tutacaq.