ESTAFET/ Rioda bu gün Bədii gimnastika yarışlarının final mərhələsi keçirilib. Bu növdə Azərbaycan Marina Durunda ilə təmsil olunurdu. Təsnifat mərhələsini uğurla adlayan Marina finalda medallar uğrunda mübarizə aparıb. Burada onun rəqibləri Marqarita Mamun, Yana Kudryavtseva (Rusiya), Katarina Xalkina, Melitina Staiouta (Belarus), Anna Rizatdinova (Ukrayna), Kseniya Mustafayeva (Fransa), Karolina Rodrigez (İspaniya), Çae Yen Son (C.Koreya) və Neviana Vladinova (Bolqarıstan) olub.

Ardıcıl olaraq halqa (16.950), top (17.541), gürz (17.716) və lentlə (17.541) çıxış edən Marina yekunda 69.748 xal toplayıb ki,  bu da ona sıralamanı 9-cu pillədə bitirməsinə kifayət edib.