GRAND PRIX TASHKENT-2016: GÜMÜŞLƏ TAMAMLADIQ
ESTAFET/ Özbəkistanın paytaxtı Daşkənddə cüdo üzrə ənənəvi Qran-Pri yarışı davam edir. Bu gün, yarışların üçüncü və sonuncu günü daha 3 cüdoçumuz - Ziya Namazov, Vasif Şərbətli (hər ikisi 90 kq) və Cəlil Şükürov (100 kq) tatamiyə çıxıblar.
90 kq çəki dərəcəsindəki təmsilçilərmiz Ziya Namazov və Vasif Şərbətli yarışa 1/8 final mərhələsindən qoşulublar. Ziya özbək Madamin Sevincovu, Vasif isə qazax Aziz Kalkamanulini ipponla məğlub edərək 1/4 finala adlayıblar. Burada Ziya tacik Komronşox Ustopiriyona, Vasif isə özbək Yahyo İmamova məğlub olub. Bürünc medal üçün qazax Meyrambek Janqabayla təsəlliverici görüşdə Ziya ippona düşməkdən xilas ola bilməyib və medalsız qalıb. Vasif də eyni aqibəti rus Maqomed Maqomedovla yaşayıb.
100 kq çəkidə isə yeganə təmsilçimiz Cəlil Şükürov yarışa 1/4 finaldan özbək Erkin Doniyorovla görüşlə başlayıb. Rəqibinə 2 yuko xalı ilə qalib gələn Cəlil yarımfinala adlayib. Burada tacik Saidcalal Saidovu ipponla məğlub edərək finala çıxıb. Finalda isə özbək Soyib Kurbonova məğlub olan Cəlil turnirin gümüş medalını qazandı.
90 kq
1/8 final: Ziya Namazov - Madamin Sevincov (Özbəkistan)
1/4 final: Ziya Namazov - Komronşox Ustopiriyon (Tacikistan)
1/8 final: Ziya Namazov - Madamin Sevincov (Özbəkistan)
1/4 final: Ziya Namazov - Komronşox Ustopiriyon (Tacikistan)
Təsəlliverici: Ziya Namazov - Meyrambek Janqabay (Qazaxstan)
1/8 final: Vasif Şərbətli - Aziz Kalkamanuli (Qazaxstan)
1/4 final: Vasif Şərbətli - Yahyo İmamov (Özbəkistan)
Təsəlliverici: Vasif Şərbətli - Maqomed Maqomedov (Rusiya)
100 kq
1/4 final: Cəlil Şükürov - Erkin Doniyorov (Özbəkistan)
Yarımfinal: Cəlil Şükürov - Saidcalal Saidov (Tacikistan)
Final: Cəlil Şükürov - Soyib Kurbonov (Özbəkistan)
