Sofiyada son gün daha bir medal
ESTAFET/ Bolqarıstanın paytaxtı Sofiya şəhərində cüdo üzrə gənclərin Avropa birinciliyinin fərdi yarışlarına yekun vurulub. Mötəbər turnirin sonuncu günü millimiz aktivinə daha bir medal yazdırıb.
100 kq çəki dərəcəsində ölkəmizi təmsil edən Adil Kərimli qitə birinciliyinin bürünc medalına sahib olub.
Bununla da millimiz cüdo üzrə gənclərin Avropa birinciliyi yarışını 6 medalla (1 qızıl, 1 gümüş və 4 bürünc) başa vurub.
Qeyd edək ki, 42 ölkədən 405 (217 kişi, 188 qadın) cüdoçunun qüvvəsini sınadığı Avropa çempionatında Azərbaycan millisi 14 (10 kişi, 4 qadın) cüdoçu ilə təmsil olunub.
