ESTAFET/ Futbol üzrə İtaliya A Seriyasında 9-cu turun oyunlarına yekun vurulub. 

Turun ilk oyun günündə "Roma" evində gözlənilməz məğlubiyyətlə üzləşib. "Yuventus" isə "Cenoa"nın müqavimətini qıra bilməyib. "Napoli" isə "Udineze" səfərindən inamlı qələbə ilə dönüb.

“Latsio” səfərdə “Parma”nı 2 cavabsız qolla üstələyib. “Atalanta” isə “Kyevo”nu darmadağın edib.

Bol qollu keçən “Frozinone” - “Empoli” və “Bolonya” - “Torino” oyunlarında qalib müəyyənləşməyib. “Fiorentina” da evdə “Kalyari” ilə “sülh bağlayıb”.

Turun mərkəzi qarşılaşması isə Milanda baş tutub. Milan şəhərinin iki təmsilçisi - “İnter” və “Milan” üz-üzə gəlib. Derbidə son dəqiqə qolu ilə sevinən tərəf "İnter" olub.

Turun son oyununda "Sampdoriya" "Sassuolo"nu qəbul edirdi. Tərəflərin cəhdlərinə baxmayaraq, oyunda hesab açılmayıb.

İtaliya A Seriyası, 2018/2019 mövsümü
9-cu turun oyunları

20 oktyabr 2018

Roma - SPAL 0:2
Qollar: Petanya 38 (p.), Bonifazi 56

Yuventus - Cenoa 1:1
Qollar: Ronaldo 18 : Bessa 67

Udineze - Napoli 0:3
Qollar: Ruis 14, Mertens 82 (p.), Roq 85

21 oktyabr 2018

Frozinone - Empoli 3:3
Qollar: Silvestre 8 (ö.q.), Ciofani 54 (p.), 63 : Zayç 32, Silvestre 48, S.Uçan 79

Kyevo - Atalanta 1:5
Qollar: Birsa 84 (p.), : De Roon 25, İliçiç 28, 50, 52, Qosens 72

Bolonya - Torino 2:2
Qollar: Santander 59, Kalabresi 77 : Falke 13, Baselli 54

Parma - Latsio 0:2
Qollar: İmmobile 81 (p.), Korrea 90

Fiorentina - Kalyari 1:1
Qollar: Veretu 60 : Pavoletti 69

İnter - Milan 1:0
Qol: İkardi 90+2

22 oktyabr 2018

Sampdoriya - Sassuolo  0:0