ESTAFET/ Bu gecədən etibarən ABŞ-n Nyu York şəhərində şahmat üzrə Dünya Çempionu adı uğrunda görüşlər başlayıb. Görüşlər 11-30 noyabr tarixlərində baş tutacaq.

Reqlamentə əsasən, hazırkı Dünya Çempionu norveçli zəka sahibi Maqnus Karlsenlə iddiaçı Sergey Karyakin (Rusiya) arasında 12 partiya oynanılacaq.

Vaxt nəzarəti: 40 gediş üçün 100 dəqiqə + 20 gediş üçün 50 dəqiqə + 15 dəqiqə və partiyanın sonunadək hər gediş üçün +30 saniyə.

Görüşlərin yekununda heç-heçə qeydə alınacağı halda, 25 dəqiqə + hər gedişə 10 saniyə vaxt nəzarəti olan 4 görüşdən ibarət tay-breklər oynanılacaq. Burada da bərabərlik olarsa, 5 dəqiqə + hər gedişə 3 saniyəlik vaxtla əlavə 2 partiya oynanılacaq. Bundan sonra, ehtiyac olacağı təqdirdə 2 partiyadan ibarət 4 blitsmatç oynanılacaq. Əgər bu halda da qalib müəyyənləşməyəcəksə, armagedon oynanılacaq. Ağlar 5 dəqiqə, qaralar 4 dəqiqə vaxta malik olacaq. Bərabərlik qaraların qələbəsi deməkdir.

İlk görüşün nəticəsi:

Maqnus Karlsen - Sergey Karyakin 0,5-0,5