ESTAFET/ Futbol üzrə İngiltərə Premyer Liqasında 12-ci turun oyunlarına yekun vurulub. İki günü əhatə edən turun ilk oyun günündə 6 qarşılaşma keçirilib. "Tottenhem" "Kristal Palas" səfərində vurduğu yeganə qolla 3 xalı bayram edib. 

Son oyun günündə daha 4 qarşılaşma baş tutub. “Liverpul” “Fulhem”i, “Çelsi” isə “Everton”u qəbul edirdi. "Qırmızılar" 2 cavabsız qolla qələbə qazanıblar. Digər oyunda isə qapılara qol vurulmayıb. 

Avropa Liqasında təmsilçimiz "Qarabağ"ın rəqibi olan "Arsenal" bu tur "Vulverhempton"la ev oyununda xal itirib.

Turun mərkəzi oyunu Mançesterdə keçirilib. "Mançester Siti" öz meydanında "Mançester Yunayted"i qəbul edirdi. Görüş meydan sahiblərinin inamlı qələbəsi ilə yekunlaşıb. 

İngiltərə Premyer Liqası, 2018/2019 mövsümü
12-ci turun oyunları

10 noyabr 2018

Kardiff Siti - Brayton 2:1
Qollar: Paterson 28, Bamba 90 : Dank 6

Sauthempton - Uotford 1:1
Qollar: Qabbyadini 20 : Holebas 82

Nyukasl - Bornmut 2:1
Qollar: Rondon 7, 40 : Lerma 45

Haddersfild - Vest Hem 1:1
Qollar: Pritçard 6 : Anderson 74

Lester - Bernli 0:0

Kristal Pelas - Tottenhem 0:1
Qol: Foyt 66

11 noyabr 2018

Çelsi - Everton 0:0

Liverpul - Fulhem 2:0
Qollar: Salah 41, Şaqiri 53

Arsenal - Vulverhempton 1:1
Qollar: Mxitaryan 86 : Kavalyero 13

Mançester Siti - Mançester Yunayted 3:1
Qollar: D.Silva 12, Aquero 48, Gündoğan 86 : Marsyal 58 (p.)