AÇ-2016: DAHA 2 MEDAL AKTİVİMİZDƏDİR
ESTAFET/ Xəbər verdiyimiz kimi, Sofiya (Bolqarıstan) şəhərində qadın boksçular arasında Avropa Çempionatı davam edir. Bu gün daha 3 boksçumuz - Anna Əlimərdanova (54 kq), Məhsəti Həmzəyeva (57 kq), və Yelena Vistropova (69 kq) rinqə çıxıb. Onların nəticələrini sizə təqdim edirik.
54 kq
1/4 final: Anna Əlimərdanova - Helena Envall (İsveç) 3:0
57 kq
1/4 final: Məhsəti Həmzəyeva - Sati Burcu (Türkiyə) 0:3
69 kq
1/4 final: Yelena Vistropova - Assunta Canfora (İtaliya) 2:1
Anna və Yelena bu qələbələrlə adlarını yarımfinala yazdırıblar və bununla da Avropa Çempionatını mükafatla bitirəcəklərini təmin ediblər. Yarımfinalda onlar müvafiq olaraq, Fransa və Rusiya təmsililəri ilə görüşəcəklər. Yarımfinal döyüşləri noyabrın 22-də keçiriləcək.
