ESTAFET/ Futbol üzrə Libertadores Kubokunun qalibi müəyyənləşib. Həlledici oyunda iki Argentinanın nəhəngi - “River Pleyt”lə “Boka Xuniors” qarşılaşıb.

Bu komandalar arasında Argentinada baş tutan ilk final matçında 2:2 hesabı qeydə alınmışdı. “River Pleyt”in meydanında keçirilməli olan cavab qarşılaşması isə müxtəlif problemlər səbəbindən gerçəkləşən təxirəsalmalara görə İspaniyanın paytaxtı Madriddə baş tutub. “Santyaqo Bernabeu”da keçirilən görüşün əsas vaxtında yenə qalib müəyyənləşməyib - 1:1. Lakin əlavə vaxtda daha iki qol vuran “River Pleyt” 3:1 hesablı qələbə sayəsində Libertadores Kubokunu başı üzərinə qaldırıb.

Bu, sözügedən klubun tarixində 4-cü belə uğurdu. “River Pleyt” daha öncə 1986, 1996 və 2015-ci illərdə bu turnirin qalibi olmuşdu. 6 dəfə Libertadores Kubokunun qalibi olan “Boka Xuniors” isə bu turnirin finallarında 5-ci dəfə ikinciliklə kifayətlənməli oldu.

Libertadores Kuboku
Final, cavab oyunu

9 dekabr 2018

Boka Xuniors - River Pleyt 1:3

Qollar: Dario Benedetto 44 : Lukas Pratto 68, Xuan Kintero 109, Martines 120+2