ESTAFET/ Sofiya (Bolqarıstan) şəhərində qadın boksçular arasında Avropa Çempionatı davam edir. Bir günlük istirahətin ardından bu gün çempionatda yarımfinal görüşləri start götürüb. Xəbər verdiyimiz kimi, 4 boksçumuz - Anna Əlimərdanova (54 kq), Yelena Vistropova (69 kq), Leyla Cavadova (81 kq) və Aynur Rzayeva (+81 kq) adını yarımfinala yazdırmağı bacarıb.

Təmsilçilərimizdən ilk rinqə çıxan Anna Əlimərdanova qalib gələrək adını finala yazdırıb. Ardınca Yelena Vistropova da rinqi qələbə ilə tərk edərək finala çıxıb. Leyla Cavadova və Aynur Camalova isə məğlub olaraq Avropa Çempionatının bürünc medallarını qazandılar.

Yarımfinal: Anna Əlimərdanova - Delfin Mançini (Fransa)

Yarımfinal: Yelena Vistropova - Səadət Abdullayeva (Rusiya) 

Yarımfinal: Leyla Cavadova - Elif Güneri (Türkiyə) 

Yarımfinal: Aynur Rzayeva - Zenfira Maqomedaliyeva (Rusiya)