ESTAFET/ "Vorskla"nın futbolçusu Mixail Sergeyçuk Avropa Liqasının qrup mərhələsinin matçlarından söz açıb. 27 yaşlı hücumçu "Qarabağ"a Bakıda qalib gəldikləri matçdan da bəhs edib: "Ötən mövsümün sonunda hər kəs Avropa Liqasının qrup qarşılaşmalarını səbirsizliklə gözləyirdi. Təbii ki, mümkün qədər çox irəliləmək istəyirdik. Ancaq rəqiblərin gücünü nəzərə alsaq, qrupdan çıxmağı gözləmək çətin idi. "Arsenal" və "Sportinq" kimi böyük klublarla qarşılaşmaq xoş idi. Belə tanınmış komandalara qarşı özünü sınamaq və təcrübə toplamaq imkanın olur. "Qarabağ" üzərində qələbə qazanaraq ilk xalları qazanmaq isə çox vacib idi".

Xatırladaq ki, Bakıda "Qarabağ"a 1:0 hesabı ilə qalib gələn Poltava təmsilçisi evdə bu rəqibinə eyni hesabla uduzub.