ESTAFET/ Argentinanın "Boka Xuniors" komandası yeni baş məşqçisinin kimliyini açıqlayıb. Klubun rəsmi saytının məlumatına görə, bu posta Qustavo Alfaro təyin edilib. Yerli mütəxəssislə 3 illik müqavilə bağlanıb. 

Alfaronun son iş yeri 20174-ci ildən rəhbərlik etdiyi digər Argentina klubu "Urakan" olub. Onun məşqçilik karyerası boyu çalışdırdığı 11 komandanın hamısı Argentina təmsilçiləri olub. Bunlar "Atletiko Rafaela", "Patronato", "Kilmes", "Belqrano", "Olimpo", "San-Lorenso", "Arsenal" (Sarandi), "Rosario Sentral", "Tiqre", "Ximnasiya" və "Urakan" olub. "Boka Xuniors" mütəxəssisin karyerasında 12-ci klub olub. 

Xatırladaq ki, "Boka Xuniors"un keçmiş baş məşqçisi Qilyermo Barroso Skeletto Libertadores Kubokunun finalında "River Pleyt"ə məğlubiyyətdən sonra istefa vermişdi.