ESTAFET/ Antalyada təlim-məşq toplanışında olan "Neftçi” hazırlıq çərçivəsində ilk yoxlama oyununu keçirib. Komanda "Arslan Zeki Demirci” İdman Kompleksinin meydanında Rumıniyanın "Qaz Metan” klubuna 3:0 hesabı ilə qalib gəlib. Hesabı 11-ci dəqiqədə Rəhman Hacıyev açıb. Fasilədən sonra Əli Şirinov dubla imza atıb. 20 yaşlı futbolçu 70-ci və 84-cü dəqiqələrdə fərqlənib.

"Neftçi”: 1.Səlahət Ağayev (30. Aqil Məmmədov, 46), 5.Anton Krivotsyuk (21.Məhəmməd Mirzəbəyov, 35), 7.Namik Ələskərov (70.Əli Şirinov, 65), 10.Dario Frederiko (20.Elnur Süleymanov, 79), 17.Rəhman Hacıyev (6.Qoran Paratski, 42), 18.Tural Axundov (26.Ömər Buludov, 46), 19.Jesse Sekidika (32.Mirkamil Əliyev, 68), 22.Mirabdulla Abbasov (9.Baqali Dabo, 46), 25.Kirilo Petrov (K) (95.Rəhman Daşdəmirov, 83), 36.Mamadu Kane, 77.Elvin Sərkərov (3.Mamadu Mbodj, 46). 

Xatırladaq ki, "The Sense De Luxe” otelində məskunlaşan "Neftçi” hazırlıq çərçivəsində yanvarın 20-də "İstiqlal” (İran), 23-də "Slovan” (Liberes, Çexiya), 26-da isə "Beroe” (Bolqarıstan) klubları ilə qarşılaşacaq.