ESTAFET/ "Neftçi”nin futbolçusu Dario Frederiko komandanın Antalya şəhərində keçdiyi təlim-məşq toplanışının sonuncu günündə ona meneceri vasitəsilə başqa klubdan sərfəli təklif gəldiyini bildirib. Daha sonra tərəflər arasında bununla bağlı danışıqlar başlayıb. "Neftçi”nin tələb etdiyi kompensasiya Cənubi Koreyanın "Daequ” klubu tərəfindən ödənildikdən sonra braziliyalı futbolçunun keçidinə icazə verilib. "Ağ-qaralar" yarımmüdafiəçiyə xidmətlərinə görə təşəkkür edərək, gələcək karyerasında uğurlar arzulayıb!

Qeyd edək ki, Dario Frederiko bu mövsüm "Neftçi”nin heyətində 17 oyunda meydana çıxıb, 3 qol vurub.