ESTAFET/ Azərbyacan Texniki Universitetinin İdman Sarayında əməkdar məşqçi Lado Mehdiyevin xatirəsinə həsr olunmuş badminton üzrə 2004-2009 təvəllüdlü oğlanlar və qızlar arasında (komanda və şəxsi) "Təhsil" Respublika İdman Mərkəzinin açıq birinciliyinə start verilib. “Təhsil” Respublika İdman Mərkəzinin təşkilatçılığı və Azərbaycan Badminton Federasiyasının dəstəyi ilə keçirilən turnirdə ümumilikdə 8 komanda 3 yaş qrupu (2004-2005, 2006-2007, 2008-2009) üzrə yarışır. 120-dən çox badmintonçu 5 kateqoriya üzrə qalibləri müəyyənləşdirəcək. Turnirin finallları martın 19-da keçiriləcək. Yarışın keçirilməsində məqsəd əməkdar məşqçi Lado Mehdiyevin xatirəsini əbədiləşdirmək, badminton idman növünün yeniyetmələr arasında inkişaf etdirilməsinə nail olmaq, idmançıların ustalıq səviyyəsinin artırılması təmin etməkdir. Yarışlarda I,II və III yerləri qazanmış idmançılar müvafiq dərəcəli diplom, kubok və medallarla təltif olunacaqlar.