Yeniyetmə cüdoçular üçün seminar keçirilib
ESTAFET/ "Ruslan 93" idman klubunda Azərbaycan Cüdo Federasiyasının təşkilatçılığı ilə yeniyetmə cüdoçular, məşqçi və hakimlər üçün seminar keçirilib. Seminar Azərbaycan Cüdo Federasiyasının Hakimlər Komitəsinin nümayəndələri, beynəlxalq dərəcəli referilər tərəfindən aparılıb. Seminarda cüdonun qaydaları barəsində ətraflı məlumat verilib. Beynəlxalq dərəcəli hakim Mətin Rəhimli cüdonun yeni texnika və qaydalarını həm nəzəri, həm də praktiki olaraq iştirakçıların diqqətinə çatdırıb.
