Oğuzda cüdo üzrə "Regionlar kuboku" açıq birinciliyi keçirilib
ESTAFET/ Oğuz Olimpiya İdman Kompleksində kiçik yaşlı yeniyetmə cüdoçular arasında beynəlxalq turnir keçirilib. Yarışda ölkəmizin 37 klubunun cüdoçuları ilə yanaşı Gürcüstan idmançıları da iştirak ediblər. Azərbaycan Cüdo Federasiyasının dəstəyi ilə keçirilən açıq birincilikdə 350-dən çox yeniyetmə medallar uğrunda mübarizə aparıb. "Regionlar kuboku" açıq birinciliyini ACF-in respublika dərəcəli hakimlər briqadası idarə edib. 11 çəki dərəcəsində fərqlənən yeniyetməyə Azərbaycan Cüdo Federasiyasının diplomları və medallar təqdim olunub.
