ESTAFET/ Futbol üzrə Azərbaycan Topaz Premyer Liqasının XXIII turu çərçivəsində öz meydanında “Qarabağ”a 1:2 hesabı ilə məğlub olan “Qəbələ”nin baş məşqçisi Sənan Qurbanov mətbuat konfransı keçirib. Gənc mütəxəssis əvvəlcə oyun haqda fikirlərini bölüşüb.

- Oyuna yaxşı hazırlaşmışdıq. Rəqibin bütün güclü tərəflərini incləmişdik. Erkən qoldan sonra hesabı bərabərləşdirə bildik. Üzgünük. Son dəqiqələrdə buraxılan qol bizi məyus etdi.

- Adeniyi ilə Monroz heç nəzərə çarpmırdılar...
- Verilən tapşırıqları yerinə yetirməyə çalışırdılar. Əlbəttə, bundan da yaxşı oynaya bilərdilər.

- 23 oyuna 7 qələbə qazanmısınız. Öz işinizdən razısınız?
- Əlbəttə ki, yox. Ancaq üzərimə düşən işi yerinə yetirirəm. Futbol bir qədər bəxt oyunudu. Müəyyən oyunlarda layiq olmadığımız xallar itirdik.

- “Qəbələ” daha güclü rəqiblərə qarşı daha istəkli oynayırlar.
- Yalnız “Sabah”la oyun istisnadı. Digər qarşılaşmalarda qış fasiləsindən sonra futbolçulardan, komandamdan razıyam.