ESTAFET/ Rumıniyanın paytaxtı Buxarestdə keçirilən güləş üzrə Avropa çempionatı davam edir. Beşinci yarış günündə yunan-Roma güləşi üzrə yarışa start verilib. Bu gün 55, 63, 77, 87 və 130 kq-da çıxış edən güləşçilər mübarizə aparır. 

Dünya çempionumuz Eldıniz Əzizli (55 kq) çempionata inamlı qələbə ilə başlayıb. O serbiyalı güləşçiyə tam üstünlüklə qalib gələrək növbəti mərhələyə yüksəlib. Bu mərhələdə gürcü rəqibinə də eyni aqibəti yaşadan Eldəniz yarımfinala adlayıb. Gərgin keçən yarımfinal görüşündə Eldəniz rus rəqibinə məğlub olub. Bürünc medal uğrunda isə pəhləvanımız türk güləşçiyə heç bir şans verməyib.  

63 kq məki dərəcəsində Taleh Məmmədov moldovalı güləşçi üzərində qələbə ilə adını 1/4 finala yazdırıb. Burada o yerli idmançıya minimal hesabla qalib gəlib. Yarımfinalda norveçli güləşçiyə məğlub olan Taleh bürünc uğrunda görüşə çıxıb. Prinsipial qarşılaşmada erməni rəqibini məğlub edən Taleh də qitə çempionatını bürünclə başa vurub.  

77 kq çəki dərəcəsində mübarizə aparan Elvin Mürsəliyev elə ilk mərhələdə alman həmkarına müqavimət göstərə bilməyib. Lakin alman güləşçi finala yüksəldiyindən təmsilçimiz üçün bürünc uğrunda mübarizə şansı yaranmışdı. Təəssüf ki, ilk təsəlliverici görüşdəcə dünya və Avropa çempionu olan erməni güləşçiyə məğlub olan Elvin mükafatsız qalıb.  

İslam Abbasov (87 kq) isə çətinliklə də olsa Denis Kudlanı (Almaniya) mübarizədən kənarlaşdıraraq növbəti mərhələyə adlayıb. Burada onu son Olimpiya çempionu Davit Çaxvetadze (Rusiya) ilə mübarizə gözləyirdi. İslam bu görüşü də minimal hesablı qələbə başa vuraraq, 1/4 finala vəsiqə qazanıb. Yarımfinal uğrunda görüşdə İslam dünya çempionu olan erməni güləşçi ilə qarşılaşırdı. İnamlı qələbə sayəsində bahadırımız yarımfinala yüksəlib. Burada isə növbəti qurban belarus təmsilçisi olub və İslam final vəsiqəsi əldə edib. Burada ukraynalı dünya çempionuna məğlub olan İslam çempionatı gümüş medalla baça vurub.  

Ən ağır çəki dərəcəsindəki (130 kq) təmsilçimiz Sabah Şəriəti təsnifat mərhələsində çexiyalı güləşçini məğlub etməkdə çətinlik çəkməyib. Ancaq 1/8 finalda türk pəhləvanı Rza Kayaalpa məğlub olan Sabah təsəlliverici görüşlərə qatılıb. İlk görüşdə xorvat rəqibinə tam üstünlüklə qalib gəlsədə, yerli idmançıya 0:2 hesablı məğlubiyyət təmsilçimizi mükafatsız qoyub.  

55 kq
1/8 final: Eldəniz Əzizli - Sebastyan Kolompar (SRB) 9:0
1/4 final: Eldəniz Əzizli - Nuqzari Tsurtsumiya (GEO)  9:0
Yarımfinal: Eldəniz Əzizli - Vitaliy Kaboleyev (RUS) 5:7
Bürünc medal üçün: Eldəniz Əzizli - Şerif Kılıç (TUR) 8:0

63 kq
1/8 final: Taleh Məmmədov - Donior İslamov (MDA) 0:0 
1/4 final: Taleh Məmmədov - Mihay Radu Mihut (ROU) 8:7
Yarımfinal: Taleh Məmmədov - Stiv-Andre Berge (NOR) 2:5
Bürünc medal üçün:Taleh Məmmədov - Slavik Qalstyan (ARM) 6:2

77 kq
Təsnifat: Elvin Mürsəliyev - Roland Şvarts (GER) 0:6

Təsəlliverici: Elvin Mürsəliyev - Arsen Culfalakyan (ARM) 1:2

87 kq
Təsnifat: İslam Abbasov - Denis Kudla (GER) *1:1
1/8 final: İslam Abbasov - David Çaxvetadze (RUS) 2:1
1/4 final: İslam Abbasov - Maksim Manukyan (ARM) 6:1
Yarımfinal: İslam Abbasov - Nikolay Stadub (BLR) 4:0
Final: İslam Abbasov - Jan Belenyuk (UKR) 1:5

130 kq
Təsnifat: Sabah Şəriəti - Stepan David (CZE) 7:1
1/8 final: Sabah Şəriəti - Rza Kayaalp (RUS) 0:5
Təsəlliverici: Sabah Şəriəti - Ante Milkoviç (CRO) 10:2
Təsəlliverici: Sabah Şəriəti - Alin Çiurariu (ROU) 0:2