Cavad Ağayev Ukraynada bürünc medal qazandı
ESTAFET/ Azərbaycanın və “Qəbələ” İdman Klubunun taekvondoçusu Cavad Ağayev növbəti uğurunu qazanıb. Təmsilçimiz Ukraynanın Xarkov şəhərində təşkil olunan G-1 kateqoriyalı beynəlxalq turnirdə fərqlənib. 68 kq çəki dərəcəsində Cavad “Ukraine Open”də qüvvəsini sınayıb. O, yalnız bir məğlubiyyət aldığı yarışın mükafatçıları sırasına düşüb. Ağayev turnirin bürünc medalına yiyələnib.
