ESTAFET/ "Sərhədçi" Olimpiya İdman Mərkəzində U-15 kiçikyaşlı yeniyetmələr arasında cüdo üzrə Azərbaycan birinciliyi keçirilir. Yarışda respublikamızın müxtəlif bölgələrindən olan 464 cüdoçu mübarizə aparır. Birinciliyin ilk günü oğlan və qızlar arasında 3 çəki dərəcəsində qaliblər məlum olub. Qalib və mükafatçılara medallar, Gənclər və İdman Nazirliyinin, Azərbaycan Cüdo Federasiyasının diplomları təqdim edilib. Yarışın nəticələri barədə daha ətraflı məlumatlarla "ippon.az" saytında tanış ola bilərsiniz. Qeyd edək ki, kiçikyaşlı yeniyetmələrin ölkə birinciliyinə aprelin 26-da yekun vurulacaq.