ESTAFET/ Futbol üzrə İtaliya kubokunda yarımfinal mərhələsinin cavab oyunları keçirilir. İlk oyun günündə bir görüş baş tutub.

“Milan” doğma meydanda “Latsio” ilə üz-üzə gəlib. Bu komandalar arasında Romada baş tutan ilk oyunda qapılara qol vurulmamışdı. Cavab matçında isə paytaxt təmsilçisi minimal hesabla qələbə qazanmaqla ilk finalçı olub.

Digər finalçının adına “Atalanta” - “Fiorentina” matçında aydınlıq gələcək. Bu komandalar arasındakı ilk oyunda da qalib müəyyənləşməyib - 3:3.

İtaliya kuboku, 2018/2019 mövsümü
Yarımfinal, cavab oyunları

24 aprel 2019

Milan – Latsio 0:1 (ilk oyun 0:0)
Qol: Korrea 58

25 aprel 2019

22:45  Atalanta – Fiorentina

İlk oyun 3:3