ESTAFET/ Xəbər verdiyimiz kimi, yeniyetmələrdən ibarət sərbəst və yunan-Roma güləşi üzrə yığmalarımız Xaçmaz Olimpiya İdman Kompleksində təlim-məşq toplanışı keçir.

Sərbəst güləşçilər böyük məşqçi Əsgərxan Novruzov, məşqçilər Abil İbrahimov və Yaşar Əliyevin, yunan-Roma güləşçilərimiz isə böyük məşqçi Taleh İsrafilov və məşqçi Nazim Əhmədovun rəhbərliyi altında mayın 17-dən şimal bölgəsində hazırlığı davam etdirir. Millilərimiz həm fiziki, həm də taktiki-texniki çalışmaları yerinə yetirir.

Qeyd edək ki, mayın 29-dək davam edəcək TMT iyunda İtaliyada keçiriləcək Avropa çempionatına və iyulda ölkəmizdə təşkil olunacaq Avropa gənclərinin Yay Olimpiya Festivalına hazırlıq xarakteri daşıyır.