ESTAFET/ Portuqaliyada keçirilən futbol üzrə UEFA Millətlər Liqasında yarımfinal mərhələsinə yekun vurulub. Final mərhələsində meydan sahibləri ilə yanaşı İsveçrə, Hollandiya və İngiltərə mübarizə aparır.

İlk oyun günündə Portuqaliya İsveçrə ilə qarşılaşıb. Dörd qolun qeydə alındığı, Ronaldonun het-trikə imza atdığı görüşdə meydan sahibləri inamlı qələbə qazanıblar və finala yüksəliblər.

Mərhələsinin digər oyununda isə bu gecə Hollandiya İngiltərə ilə qarşılaşırdı. Qarşılaşmada hesabı ingilislər açıblar. Amma hollandlar penaltidən buraxdıqları qolun əvəzini ikinci hissədə çıxa biliblər. Əsas vaxtda qalib müəyyənləşmədiyindən, əlavə vaxta ehtiyac duyulub. Məhz əlavə vaxtda daha iki qola sevinən Hollandiya yığması əzmkar qələbə ilə finala yüksəlib.

Beləliklə, iyunun 9-da İngiltərə və İsveçrə yığmaları üçüncü yer uğrunda, Portuqaliya və Hollandiya isə finalda qarşılaşacaq.

UEFA Millətlər Liqası
Yarımfinal

6 iyun 2019

Hollandiya – İngiltərə 3:1
Qollar: De Liqt 73, Uolker 97 (ö.q.), Promes 114 : Reşford 32 (pen.)

5 iyun 2019

Portuqaliya – İsveçrə 3:1
Qollar: Ronaldo 25, 88, 90 : R.Rodriqes 57 (pen.)