ESTAFET/ Qılıncoynadanlarımız İtaliyanın Neapol şəhərində keçirilən 30-cu Yay Universiadasında mübarizəyə başlayıb.

Kişi sablyaçıların şəxsi yarışında Cavanşir Ağakişiyev qrup mərhələsində keçirdiyi 6 görüşdən 2-ni qalib başa vurmnaqla 1/32 finala yüksəlib. Ağakişiyev bu mərhələdə Ukrayna idmançısı Boqdan Platona 13:15 hesabı ilə uduzub.

Şpaqaçılarımızdan Ruslan Həsənov, Fərrrux Səfərov və Xalid Əliyev də kişilərin şəxsi yarışında çıxış edib. Qrup mərhələsini 3 qələbə ilə başa vuran Ruslan Həsənov 1/32 finalda isveçrəli şpaqaçı Çarls-Erik Osvala 11:15 hesabı ilə uduzub. Qrup mərhələsində 3 qələbə qazanan Xalid Əliyev isə 1/32 finalda Hyomin Yanqa 7:15 hesabı ilə məğlub olub. Qrup mərhələsində keçirdiyi 6 görüşdən 2-ni qalib başa vuran Fərrux Səfərov isə pley-offa yüksələ bilməyib.