"Dandlok" - "Qarabağ" matçının hakimləri açıqlandı
ESTAFET/ Futbol üzrə UEFA Çempionlar Liqasının ikinci təsnifat mərhələsində keçiriləcək "Dandlok" - "Qarabağ" oyunu üçün hakim təyinatları açıqlanıb. İrlandiyada "Oriel Park"da oynanılacaq görüşün baş hakimi Polşa Futbol Federasiyasından Bartos Frankovski olacaq.
Ona həmyerliləri Marçin Boniek və Yakub Uinkler köməklik edəcək. Dördüncü hakim funksiyasını Daniel Stefanski yerinə yetirəcək.
Qeyd edək ki, "Dandlok" - "Qarabağ" görüşü iyulun 24-ü Bakı vaxtı ilə saat 22:45-də başlayacaq. Bu komandalar arasında cavab matçı isə 1 həftə sonra Bakıda keçiriləcək.
