ESTAFET/ Futbol üzrə UEFA Avropa Liqasının ikinci təsnifat mərhələsi çərçivəsində keçiriləcək "Neftçi” – "Arsenal” oyununa bilet satışı "Rahat market”in "Baku MALL” (Qələbə dairəsi) və Azadlıq prospekti 116 (47 saylı məktəblə üzbəüz) məntəqələrində ləğv edilib. Qiyməti 2 (1A, 2A, 4A, 5A, 1B, 2B), 5 (3A, 3B), 20 (VİP) və 100 (SKYBOX) AZN təşkil edən biletləri "Bakcell Arena” stadionunun kassalarından, həmçinin "Rahat market”in "Mega City” ticarət mərkəzi (Xırdalan şəhəri), "Şahənşah” şadlıq sarayının 1-ci mərtəbəsi ("Azadlıq” metrostansiyasının yanı), "Metropark” mağazalarından və "Mega Store”dan (Bakıxanov qəsəbəsi) əldə etmək mümkündür. Sabah isə biletlər yalnız "Bakcell Arena”nın kassalarında satılacaq.

Xatırladaq ki, avqustun 1-i "Bakcell Arena”da keçiriləcək "Neftçi” – "Arsenal” oyunu saat 21:00-da başlanacaq.