ESTAFET/ Növbəti mövsümə hazırlığını Türkiyədə davam etdirən “Zirə” bu gün növbəti yoxlama oyununda qüvvəsini sınayıb. “Qartallar” Qətərin “Əl-Vakrah” klubu ilə qarşılaşıb.

Oyunda hesabı erkən qolla "Zirə" açıb. Amma qalan dəqiqələrdə iki qol buraxan Samir Abasovun yetirmələri meydanı məğlubiyyətlə tərk ediblər.

Bu, "Zirə"nin toplanış çərçivəsində 4-cü yoxlama görüşü idi. Komanda buna qədər Rumıniya "Konkordiya"sı ilə qolsuz bərabərə qalıb, Türkiyə klubu "Adana Dəmirspor"a məğlub olub (2:3), Nigeriyanın “Hartlend” komandasına 5:0 hesabıyla qalib gəlmişdi.

Yoxlama oyunu
3 avqust 2019

Zirə – Əl-Vakrah 1:2
Qol: Cavid Hüseynov (pen).

Zirə: 1. Orxan Sadıqlı, 4. İlkin Muradov, 5. Anastasios Papazoğlu, 7. Cavid Hüseynov (k), 8. İlkin Muradov, 11. Soni Norde, 14. Bəxtiyar Həsənalızadə, 18. Xulio Sezar Rodriqes, 23. Mfo Kqasvane, 27. Adrian Skarlatake, 48. Şafik Tiqrudca.