ESTAFET/ Gənc kişi şpaqaçılarımız Yunanıstanın İraklion şəhərində keçirilən Dünya Kubokunun mərhələ yarışında iştirak edib.

Qrup mərhələsini 3 qələbə ilə başa vuran Ruslan Həsənov pley-off mərhələsinin ilk görüşündə rumıniyalı David Statieyə 15:10 hesabı ilə qalib gəlib. Ruslan 1/64 finalda Rusiya təmsilçisi Mixail Sprinə 11:12 hesabı ilə uduzub. Qrup mərhələsində 4 qələbə qazanan Xalid Əliyev isə 1/64 finalda polşalı Jan Soça 11:15 hesabı ilə məğlub olub. Qrupu 3 qələbə ilə bitirən Barat Quliyev pley-offda Yaponiya şpaqaçısı İnoue Taktomiyə 12:15 hesabı ilə məğlub olub.Şpaqaçılarımız komanda yarışında Avstriyaya 35:45 hesabı ilə uduzub.