İrina Zaretska finalda
ESTAFET/ İrina Zaretska (68 kq) 10-12 yanvar tarixlərində Çilinin paytaxtı Santyaqoda Karate1 Seriya A turnirinin finalına yüksəlib.
O finaladək Daniele Van Viki (CAR) 9:0, Qalina Melniki (Ukrayna) 3:2, Feryal Abdelazizi (Misir) isə 1:0 hesabı ilə məğlub edib. Həlledici görüşdə İ.Zaretskanı Silviya Semeraro (İtaliya) ilə daha bir ağır döyüş gözləyir.
Mükafatlar uğrunda qarşılaşmalar bazar günü keçiriləcək. Dünya Karate Federasiyasının (WKF) bu nüfuzlu turnirinə 65 ölkədən 466 karateçi qatılıb. Yarışın hər mərhələsi idmançılara olimpiya reytinq xalları qazandırır.
