ESTAFET/ Qadın sablyaçılarımız Kanadanın Monreal şəhərində keçirilən beynəlxalq Qran-Pridə iştirak edir.

Sablyaçılarımızdan Anna Başta şəxsi yarışda qrup mərhələsini 5 qələbə ilə başa vuraraq birbaşa əsas mərhələyə vəsiqə qazanıb. Anna 1/32 finalda Rusiya təmsilçisi Alina Mixaylovaya 13:15 hesabı ilə uduzub.

Qrupu 4 qələbə ilə bitirən Səbinə Kərimova da əsas mərhələyə kimi irəliləməyi bacarıb. Səbinə pley-offda Cənubi Koreya idmançısı Hayounq Jeona 15:5 hesabı ilə qalib gəlib. Kərimova 1/32 finalda digər koreyalı sablyaçı Jisu Yuna 6:15 hesabı ilə məğlub olub.

Qrupda 4 qələbəsi olan Valeriya Bolşakova İspaniya idmanşısı Araceli Navarroya 6:15 hesabı ilə məğlub olub.

Pley-offa 3 qələbə ilə yüksələn Sevil Bünyatova isə fransalı Şarlin Taylandierə 11:15 hesabı ilə uduzub.