İsrafilovlu “Albasete” yenə xalsız qaldı
ESTAFET/ Futbol üzrə İspaniya 2-ci liqasında 25-ci turun oyunları keçirilib. Azərbaycan milli komandasının yarımmüdafiəçisi Eddi İsrafilovun formasını geyindiyi “Albasete” də növbəti matçına çıxıb.
Sözügedən klub doğma meydanda “Deportivo” ilə qarşılaşıb. Futbolçumuzun komandası bu oyundan məğlubiyyətlə ayrılıb – 0:1.
İsrafilov da bu oyunun iştirakçısı olub. O, start heyətdə meydana çıxıb və 77-ci dəqiqədə əvəzlənib.
“Albasete” hazırda 28 xalla 22 iştirakçı arasında 16-cı pillədə qərarlaşıb. (sport24.az)
