Serie A-da hər gün oyun olacaq
ESTAFET/ İtaliya çempionatının bərpasından sonra oyunlar həftənin hər gününü əhatə edəcək. Bu addım mövsümü avqustun 2-də başa çatdırmaq məqsədilə atılır.
İyunun 20-də bərpa olunacaq A seriyasının qarşılaşmalarının vaxtı televiziya şirkətləri və klubların maraqlarına uyğun müəyyənləşəcək. Görüşlər bazar ertəsi 22:00, çərşənbə axşamı, çərşənbə və cümə axşamları 20:00 və 22:00-da başlayacaq. Cümə günləri yalnız bir matç olacaq ki, o da 22:00-da start götürəcək. Şənbə və bazar günləri isə oyunların başlaması 18:15, 20:30 və 22:45-ə nəzərdə tutulub.
