İngiltərədə ən populyar klub bəlli oldu
ESTAFET/ İngiltərənin ən populyar futbol klublarının adları açıqlanıb. “YouGov-FootballIndex”in dərc etdiyi siyahıya əsasən “Liverpul” ölkənin ən məşhur klubudur.
“Qırmızılar”ı müvafiq olaraq “Mançester Yunayted”lə “Çelsi” izləyir. Son çempion “Mançester Siti” və “Arsenal” isə 4-5-ci yerlərdə qərarlaşıblar.
Qeyd edək ki, İngiltərə Premyer Liqasında XXIX turdan sonra “Liverpul” 82 xalla 1-ci pillədə yer alır. Koronavirus pandemiyası səbəbindən martda dayandırılan çempionat iyunun 17-də bərpa olunacaq.
