Premyer Liqada daha iki koronavirus faktı
ESTAFET/ Futbol üzrə İngiltərə Premyer Liqasında növbəti koronavirus testlərinin nəticələri açıqlanıb. Müayinələrin 8-ci mərhələsində 1200 nəfər yoxlanılıb.
Futbolçu və klub əməkdaşlarının testlərindən ikisi müsbət nəticə verib. Adları açıqlanmayan iki şəxs fərqli klubları təmsil edir.
Qeyd edək ki, əvvəlki mərhələlərdə 7413 nəfər testdən keçib. Onlardan 14-də koronavirus aşkarlanıb.
