ESTAFET/ İspaniya La Liqasında XXVIII turun mübarizəsi davam edir. Çempionatın bərpasından sonra baş tutan ilk oyunlar çərçivəsində bu gün 4 görüş keçirilib.

Çempionatın lideri "Barselona" autsayderlər zonasında yer alan "Malyorka"nın qonağı olub. Kataloniya klubu matçın taleyini birinci hissədəcə həll edib. Fasiləyə qədər rəqibi 2 dəfə mərkəzə dəvət edən "Barsa" görüşün son dəqiqələrində daha 2 qolla fərqi 4 qola çatdıraraq, La Liqanın bərpasından sonrakı ilk oyunda darmadağınla qalib gəlib.

Günün digər görüşlərində əsasən turnir cədvəlinin aşağı pillələrində qərarlaşan komandalar meydana çıxıblar.

Qeyd edək ki, tura iyunun 14-də keçiriləcək 3 oyunla ("Atletik" - "Atletiko" (16:00), "Real" - "Eybar" (21:30) və "Real Sosyedad" - "Osasuna" (00:00) yekun vurulacaq.

İspaniya La Liqası
XXVIII tur

13 iyun 2020
"Espanyol" - "Alaves"  2:0
Qollar: Bernardo 45+3, U Li 47

"Selta" - "Vilyarreal"  0:1
Qol: Trigeros 90+1

"Leqanes" - "Valyadolid"  1:2
Qollar: Oskar 84 (pen.) : Enes Ünal 2, Alkaraz 54

"Malyorka" - "Barselona"  0:4
Qollar: Vidal 2, Braytvayt 37, Alba 80, Messi 90+3