“Keşlə” Tərlan Əhmədovla yollarını ayırdı
ESTAFET/ Bakının “Keşlə” futbol klubu baş məşqçi Tərlan Əhmədovla yollarını ayırıb. Bu barədə qərarı klubun Müşahidə Şurası verib.
Bu gün keçirilən iclasda baş məşqçi ilə müqavilənin uzadılmamasına qərara alınıb. Baş məşqçinin səlahiyyətlərini müvəqqəti olaraq məşqçi Zaur İsmayılov icra edəcək.
Qeyd edək ki, “Keşlə” Əhmədovun rəhbərliyi altında Azərbaycan Premyer Liqasının bürünc medalını qazanaraq Avropa Liqasına vəsiqə əldə edib.
