ESTAFET/ “Qarabağ”ın UEFA Çempionlar Liqasının II təsnifat mərhələsindəki potensial rəqibləri müəyyənləşib. Ağdam təmsilçisi ilk raundda Şimali Makedoniyanın “Sileks” klubunu mübarizədən kənarlaşdırsa, "Şerif" (Moldova) - "Fola" (Lüksemburq) cütünün qalibiylə görüşəcək. 

Püşkə əsasən Ağdam təmsilçisi yenə evdə oynayacaq. İkinci təsnifat mərhələsinin oyunları 25-26 avqust tarixlərində keçiriləcək. Yeni qaydalara əsasən, play-offa qədər bütün mərhələlər bir oyundan ibarət olacaq.

Xatırladaq ki, "Qarabağ" bu cütün favoriti sayılan "Şerif"lə 2 il ardıcıl Çempionlar Liqasında (evdə 0:0, səfərdə 2:1) və Avropa Liqasında (səfərdə 0:1, evdə 3:0) görüşərək mübarizədən kənarlaşdırıb.