ESTAFET/ Azərbaycan millisinin UEFA Millətlər Liqasındakı rəqibi Monteneqro yığmasının ev oyunlarını keçirəcəyi stadion müəyyənləşib. UEFA-nın rəsmi saytında verilən xəbərə görə, Balkan təmsilçisi oktyabrın 10-da millimizi paytaxt Podqoritsada - "Podgorica City Stadium"da qəbul edəcək. 

Monteneqronun turnirdəki ilk iki matçı səfərdə olacağından, ilk ev matçı məhz Azərbaycana qarşı olacaq. Millimiz bu stadionda rəqib Çernoqoriya adlananda - 11 il əvvəl onunla yoldaşlıq görüşündə qarşılaşaraq 0:2 hesabıyla uduzub. 

Qeyd edək ki, Azərbaycan yığması Millətlər Liqasındakı ilk matçını sentyabrın 5-də Bakı Olimpiya Stadionunda Lüksemburqla keçirəcək. Qrupumuzda daha bir rəqib Kipr yığmasıdı. (sport24.az)