ESTAFET/ Bu gündən Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisində açıq havada idman yarışları və oyunlarının keçirilməsinə icazə verilib. İcazə idman mallarının istehsalına da aid edilib.

Məhdudiyyətin aradan götürülməsiylə klubarın məşq etməyə, yoxlama oyunları keçirməyə imkanları olacaq. 

Avrokubokların da ölkəmizdə keçirilməsinə artıq heç bir maneə qalmayıb. "Qarabağ" Çempionlar Liqasında ilk təsnifat mərhələsində meydan sahibi olacaq və növbəti həftə Makedoniyanın "Sileks" klubunu Tofiq Bəhramov adına Respublika Stadionunda qəbul edəcək. . 

Qeyd edək ki, Peşəkar Futbol Liqası (PFL) 2020/21 mövsümünün startı ilə bağlı avqustun 12-də AFFA-nın inzibati binasında püşkatma mərasimi keçirəcək. Yeni çempionat avqustun 21-də başlayacaq.