ESTAFET/ Azərbaycan çempionu “Qarabağ” “Srvena Zvezda”nın futbolçusu Milan Pavkovu transfer etmək istəyir. Bu barədə Serbiya mətbuatı məlumat yayıb.

Bildirilir ki, ölkəmizi Çempionlar Liqasında təmsil edəcək Ağdam klubu hücum xəttini 26 yaşlı forvardla gücləndirməkdə maraqlıdır. Hətta oyunçu özü də bu keçidin əleyhinə deyil. Ancaq Serbiya millisinin üzvünün yüksək məvacib tələb etdiyi vurğulanıb.

Qeyd edək ki, Milan Pavkov 2017-ci ildən “Srvena Zvezda”dan formasını geyinir. 2018/19 mövsümündə Çempionlar Liqasının qrup mərhələsində “Liverpul”la oyunda qol vuran Pavkov ötən il Serbiya yığmasının heyətində Almaniya ilə qarşılaşmada 90 dəqiqə meydanda olub. (apasport.az)